کراچی کا موسم سرد‘ مزید شدت کا امکان

کراچی:  شہر قائد میں سائبیرین ہواؤں کے بعد موسم سرد ہوگیا اور آج درجہ حرارت میں 3 ڈگری سینٹی گریڈ تک کمی واقع ہوئی۔ ماہرین کا کہنا ہے کہ آیندہ چند روز میں شہر میں سرد موسم میں مزید شدت آنے کا امکان ہے۔ ماہرین کے مطابق کراچی میں شمال مشرقی علاقوں سے ہوائیں 14کلو میٹر فی گھنٹہ کی رفتار سے چل رہی ہیں اور درجہ حرارت 16 ڈگری سینٹی گریڈ ریکارڈ کیا گیا۔

محکمہ موسمیات کے مطابق کراچی میں کم سے کم درجہ حرارت 11 ڈگری سینٹی گریڈ ریکارڈ کیا گیا جب کہ ہوا میں نمی کا تناسب 54 فیصد ہے ۔ محکمہ موسمیات نے آئندہ 24 گھنٹوں کے دوران شہر میں موسم سرد اور خشک رہنے کی پیش گوئی کی ہے ۔