نئی دہلی۔۔۔ تلنگانہ راشٹریہ سمیتی(ٹی آر ایس) کے سربراہ اور تلنگانہ کے وزیراعلیٰ سی ایس راؤ نے قومی دارالخلافہ میں وزیراعظم نریندر مودی سے ملاقات کی۔ریاست کے وزیر اعلیٰ منتخب ہونے کے بعد کے سی آر کی مودی سے دوسری ملاقات ہے۔ ذرائع کے مطابق راؤ نے وزیراعظم کے ساتھ قاضی پیٹ ریلوے کوچ فیکٹری ‘ بیارم میں اسٹیل فیکٹری اور آئی آئی ٹی سمیت تلنگانہ کے کئی معاملات پر تبادلہ خیال کیا۔علاوہ ازیں کے سی آر نے معرض التوا میں پڑے ہائی کورٹ کی تقسیم، کالیشورم پراجکٹ کو قومی پروجیکٹ کا درجہ دینے جیسے حل طلب امور پربھی مودی سے بات چیت کی۔ واضح ہو کہ راؤ کولکتہ میں مغربی بنگال کی اپنی ہم منصب ممتابنرجی سے ملاقات کے بعد دہلی پہنچے ہیں ۔
