حیدرآباد۔۔۔ اے پی کے ضلع گنٹور میں پیش آئے خطرناک سڑک حادثہ میں ایک حاملہ خاتون سمیت 4 افراد ہلاک اور دیگر 4 افراد زخمی ہوگئے۔ یہ حادثہ ضلع کے یڈ لاپاڈو منڈل کے تماپورم گائوں کے قریب اس وقت پیش آیا جب ان کی کار کو ٹریکٹر نے ٹکر دے دی۔گنٹور کے گورٹلہ علاقہ کی رہنے والی جئے شری حاملہ تھی اور اس کے سسرال میں ایک تقریب منعقد کی گئی تھی۔اس تقریب کے بعد وہ اپنی ماں انوسویا اور دیگر رشتہ داروں کے ساتھ کار میں اپنے آبائی مقام کو جارہی تھی تاہم ان کی کار کو ٹریکٹر نے ٹکر دے دی۔اس حادثہ میں ماں اور بیٹی دونوں موقع پر ہی ہلاک ہوگئے۔اس حادثہ میں دیگر مرنے والوںکی شناخت فرانسس اور رما دیوی کے طورپر کی گئی ہے۔اس حادثہ میں کار کو شدیدنقصان پہنچا۔بتایاجاتا ہے کہ کہر کے سبب سامنے کا راستہ دکھائی نہ دینے کے سبب یہ حادثہ پیش آیا۔
