چترال کی خوبصورتی جو شاہی جوڑا دیکھ کر ’دنگ رہ گیا‘

برطانیہ کے شہزادہ ولیم اور ان کی اہلیہ ڈچز آف کیمبرج کیٹ میڈلٹن اسلام آباد کے دورے کے بعد بدھ کی صبح صوبہ خیبر پختونخوا کے قدرتی حسن سے مالا مال ضلع چترال کے دورے پر ہے۔ چترال پہنچنے پر مقامی انتظامیہ نے شاہی جوڑے کا شاندار استقبال کیا اور اسے روایتی چترالی ٹوپیاں اور چغے پیش کیے گئے۔ اس موقع پر شاہی جوڑے کو انجہانی لیڈی ڈیانا کے دورہ چترال کی ایک البم بھی پیش کی گئی۔ واضح رہے کہ شہزداہ ولیم کی والدہ شہزادی ڈیانا نے 1991 میں چترال کا دورہ کیا تھا۔

منگل کی شب اسلام آباد میں ایک ثقافتی پروگرام کے موقع پر شہزادہ ولیم نے کہا تھا کہ وہ چترال کا دورہ کریں گے اور اس موقع پر موسمیاتی تبدیلیوں کے اثرات کا بغور جائزہ لیں گے اور چترالیوں سے موسمیاتی تبدیلی کے حوالے سے بات چیت بھی کریں گے۔

چترال کے بمریت پہنچنے پر شاہی جوڑے کا والہانہ استقبال کیا گیا اور ان کو روایتی کیلاشی مفلرز اور روایتی ٹوپیاں پیش کی گئیں۔

بمبریت میں شہزادہ ولیم اور کیڈ مڈلٹن کی آمد پر کیلاش کا روایتی رقص بھی پیش کیا گیا اور انہیں مقامی ثقافت سے متعارف کروایا گیا۔

اس ثقافتی پروگرام میں شرکت سے معلوم ہورہا تھا کہ شاہی جوڑا لطف اندوز ہو رہا ہے۔

شاہی جوڑے نے چترال میں سیلاب سے متاثرہ ایک گاؤں کا دورہ بھی کیا۔

پاکستان کے چار روزہ دورے پر آئے ہوئے شاہی جوڑے کے لیے منگل کی رات برٹش ہائی کمشنر کی جانب سے ایک پروگرام منعقد کیا گیا جس میں پرنچ ولیم اور کیٹ میڈیلٹن نے روائتی پاکستانی لباس زیب تن کیے تھے۔

واٹس ایپ پر پاکستان کی خبروں کے لیے ’اردو نیوز‘ گروپ میں شامل ہوں