پاکستانی گلوکارہ اور اداکارہ رابی پیرزادہ کے نام سے پاکستان میں سوشل میڈیا پر ٹرینڈ بنا ہوا ہے۔ یہ ٹرینڈ بننے کی وجہ پاکستانی اداکارہ کی وہ برہنہ ویڈیوز اور تصاویر ہیں جو مختلف اکاؤنٹس سے شئیر کی جا رہی ہیں۔
اردو نیوز سے بات کرتے ہوئے رابی پیرزادہ نے بتایا کہ وہ ان ویڈیوز اور تصاویر کے حوالے سے سائبر کرائم ایکٹ کے تحت کارروائی کی درخواست دے دی ہے۔
* رابی پیرزادہ کا اردو نیوز کا اںٹرویو یہاں دیکھیے
انہوں نے بتایا کہ ان کی ذاتی تصاویر اور ویڈیوز ان کے سمارٹ فون میں موجود تھیں جو انہوں نے کچھ عرصہ پہلے فروخت کر دیا تھا۔
ان کا کہنا تھا کہ جہاں انہوں نے یہ موبائل فروخت کیا ان کے خلاف بھی درخواست دے دی ہے۔
یاد رہے کہ پاکستان کی معروف اداکارہ رابی پیرزادہ نے سوشل میڈیا پر گذشتہ دنوں سانپوں کے ساتھ انڈین وزیراعظم نریندر مودی کے خلاف ایک ویڈیو بھی پوسٹ کی تھی جس کے بعد انڈین ذرائع ابلاغ نے اداکارہ کو شدید تنقید کا نشانہ بنایا تھا۔
ان ویڈیوز کے منظر عام پر آنے کے بعد پاکستان میں جنگلی حیات کا محکمہ بھی کافی متحرک رہا اور ان کے خلاف عدالتی کارروائی بھی عمل میں لائی گئی۔
رابی پیر زادہ نے سوشل میڈیا پر حالیہ ٹرینڈ کی وجہ بننے والی ویڈیو کو بھی اس مہم کا حصہ قرار دیتے ہوئے کہا کہ انڈین وزیراعظم نریندر مودی کے خلاف آواز اٹھانے پر محکمہ وائلڈ لائف کی جانب سے کارروائی کے بعد یہ ان کی ذات پر دوسرا حملہ ہے۔
وقاص علی خان نامی ایک صارف نے ٹویٹ کی کہ ’خواہ یہ (ویڈیو) اصلی ہے یا جعلی لیکن کسی کو بھی محض مذاق اڑانے یا کسی دوسرے کو بدنام کرنے کے لیے اس کی رازداری پر حملہ کرنے کی اجازت نہیں ہونی چاہیے۔ سوشل میڈیا ایک عجیب دنیا ہے۔ یہاں لوگ بے دل ہیں جو دوسروں کی زندگی دکھی/مشکل بناتے ہیں تاکہ وہ خود لطف اندوز ہو سکیں۔‘
Whether it is real or fake, no one should be allowed to invade someone's privacy just to make fun or defame them. Social Media is a strange world. People are heartless here. Making the lives of other people miserable/difficult just so they can enjoy. #RabiPirzada
— Waqas Ali Khan (@WAKhan_) November 1, 2019
ایک صارف حیدر ریاض رانجھا نے کہا کہ ’بحیثت قوم ہم اخلاقی پستی کا شکار ہو چکے ہیں۔ اگر آپ نے ویڈیوز دیکھ ہی لیں ہیں تو ان کو شئیر کرنے کی کیا منطق ہے۔ غیر اخلاقی چیزیں شئیر کرنا گناہ کرنے کے برابر ہے۔‘
We as a nation have reached the deepest gorges of immorality. Even if you have seen the video what is this behaviour to spread it. Like today is jummah for God heavens sakes. Spreading immorality is an equal sin as to doing it.
#RabiPirzada pic.twitter.com/O2CeU29ye8— Haider Riaz Ranjha (@HaiderRiazRanj1) November 1, 2019
محسن ظفر نامی صارف نے ٹویٹ کی کہ ’اس میں سب کے لیے سبق ہے۔ اینڈرائیڈ پر کبھی بھروسہ نہ کریں۔ کبھی غیر ضروری ایپس ڈاون لوڈ نہ کریں۔ کبھی بھی موبائل ڈیٹا مکمل طور پر ڈیلیٹ کرنے سے پہلے اسے مرمت کرنے کے لیے مت دیں حتی کہ ڈیلیٹ کیا گیا ڈیٹا بھی دوبارہ حاصل کیا جاسکتا ہے اور کبھی ’دیکھ کر ڈیلیٹ کر دوں گا‘ پر یقین نہ کریں۔