دونوں ٹیمیں کا اس ٹورنامنٹ کے دوران یہ پہلا ٹاکرا ہے۔ فوٹو: اے ایف پی
پاکستان سپر لیگ (پی ایس ایل) کے پانچویں ایڈیشن کے 14 ویں مقابلے میں کراچی کنگز نے اسلام آباد یونائیٹڈ کو ہرا دیا ہے۔
اسلام آباد نے کراچی کو 184 رنز کا ٹرگٹ دیا تھا جسے کنگز نے 19 ویں اوور میں پورا کر لیا۔ ایلکس ہیلز کو 30 گیندوں پر 52 رنز بنانے پر مین آف دی میچ قرار دیا گیا۔
کراچی کنگز نے ٹاس جیت کر پہلے فیلڈنگ کا فیصلہ کیا تھا۔ دونوں ٹیموں کا اس ٹورنامنٹ کے دوران یہ پہلا ٹاکرا تھا۔
پوائنٹس ٹیبل پر اسلام آباد یونائیٹڈ پانچ پوائنٹس کے ساتھ تیسرے اور کراچی کنگز چار پوائنٹس لے کر پانچویں نمبر پر ہے۔
کنگز نے ہدف کے تعاقب میں بیٹنگ کا آغاز کیا تو اس کے سٹار بلے باز بابر اعظم آج خلاف معمول کوئی رن بنائے ہی رن آؤٹ ہو گئے۔ ان کے بعد شرجیل خان آئے جنہوں نے اچھے کھیل کا مظاہرہ کیا، لیکن 38 رنز بنا کر رومن ریئس کی گیند پر آؤٹ ہو گئے۔
کیمرون ڈیلپورٹ نے بھی 38 رنز بنائے مگر وہ ڈیل سٹین کی بال پر پویلین کو چلے گئے۔ ایلکس ہیلز نے اچھا کھیل دکھاتے ہوئے 52 رنز بنائے اور پھر احمد صفی کی گیند پر آؤٹ ہوئے۔ ان کے بعد افتخار احمد آئے جو آج کوئی بہتر کارکردگی نہ دکھا سکے اور ایک ہی رن بنا کر رن آؤٹ ہو گئے۔
عماد وسیم اور کیڈوک والٹن وکٹ پر موجود رہے اور انہی کی پارٹنرشپ کی وجہ سے کنگز اس میچ میں فاتح رہا۔ عماد وسیم نے 19 ویں اوور میں فہیم اشرف کو دو لگاتار چھکے مار کر میچ کا پانسہ پلٹ دیا۔
یونائیٹڈ کے اوپنر لیوک رونکی نے بہترین بیٹنگ کا مظاہرہ کرتے ہوئے 58 گیندوں پر 87 رنز بنائے جبکہ ان کے ساتھ کپتان شاداب خان نے شاندار طریقے سے کھیلتے ہوئے 54 سکور بنائے۔
اوپننگ بلے باز منرو آج کوئی خاص کارکردگی نہ دکھا سکے اور وہ ایک رن بنا کر محمد عامر کی گیند پر آؤٹ ہو گئے۔ کراچی کنگز کے فیلڈر نے کرس جارڈن کی بال پر رونکی کا کیچ چھوڑا جس کا خمیازہ انہیں رونکی کے چھکوں اور چوکوں کی صورت میں بھگتنا پڑا۔
محمد رضوان 22 رنز بنا کر عمر خان کی گیند پر کیچ آؤٹ ہوئے۔ انگرم بھی کریز پر زیادہ دیر نہ رک سکے اور وہ 16 رنز بنا کر عماد وسیم کی بال پر پولین کو لوٹ گئے۔
یونائیٹڈ نے پی ایس ایل فائیو میں پانچ میچز کھیلے ہیں اور ان میں دو میچز جیتے ہیں، دو ہارے ہیں اور ایک میچ گذشتہ روز بارش کی وجہ سے منسوخ ہو گیا تھا جس کا اسے ایک پوائنٹ ملا۔ اس طرح یونائیٹڈ کے کل پانچ پوائنٹس ہیں۔
کراچی کنگز نے چار میچز کھیلے ہیں جن میں سے اس نے دو میچز میچز جیتے ہیں۔ اس طرح کنگز کے کل چار پوائنٹس ہیں۔
پی ایس ایل کے پانچویں ایڈیشن کی خاص بات یہ ہے کہ ٹورنامنٹ کے تمام میچز پہلی بار پاکستان میں کھیلے جائیں گے۔
پاکستان سپر لیگ کے پانچوں سیزن کی چھ ٹیموں میں 30 سے زائد غیر ملکی کھلاڑی بھی حصہ لے رہے ہیں۔
پی ایس ایل فائیو کے میچز ملک کے چار شہروں کراچی، لاہور، راولپنڈی اور ملتان میں کھیلے جا رہے ہیں۔
پی ایس ایل 2020 میں کُل 10 لاکھ ڈالر کی انعامی رقم تقسیم کی جائے گی۔ فوٹو: پی ایس ایل ٹوئٹر
پی ایس ایل کا سفر
پاکستان سپر لیگ کا آغاز 2016 میں ایک ایسے وقت میں ہوا تھا جب غیر ملکی ٹیمیں اور کھلاڑی امن و امان کی صورت حال کی وجہ سے پاکستان آنے سے انکاری تھے۔ اس لیے ٹورنامنٹ کا افتتاحی ایڈیشن مکمل طور پر متحدہ عرب امارت کے شہروں شارجہ اور دبئی میں کھیلا گیا تھا۔
تاہم دوسرے ایڈیشن سے ٹورنامنٹ کی بتدریج پاکستان منتقلی کا آغاز ہوا۔ 2017 میں پی ایس ایل ٹو کا فائنل لاہور کے قذافی سٹیڈیم میں کھیلا گیا جس میں کوئٹہ گلیڈی ایٹرز اور پشاور زلمی کے درمیان مقابلہ ہوا۔
2018 میں ٹورنامنٹ کے تیسرے ایڈیشن کے تین میچز پاکستان میں ہوئے جن میں دو پلے آف اور فائنل میچ شامل تھے۔ گذشتہ سال پی ایس ایل فور کے آٹھ میچز پاکستان میں ہوئے۔
پی ایس ایل کا انعام
پاکستان کرکٹ بورڈ کے مطابق پی ایس ایل 2020 میں کُل 10 لاکھ ڈالر کی انعامی رقم تقسیم کی جائے گی۔
پی ایس ایل فائیو کی فاتح ٹیم کو ایونٹ کی ٹرافی کے ہمراہ پانچ لاکھ ڈالر کی انعامی رقم بھی ملے گی، جب کہ پی ایس ایل فائیو کی رنراپ ٹیم دو لاکھ ڈالر وصول کرے گی۔
سلطانز نے کنگز کو 52 رنز سے ہرا دیاNode ID: 461906
ملتان کی کوئٹہ گلیڈی ایٹرز کے خلاف فتحNode ID: 462126
پشاور اور اسلام آباد کا میچ بارش کے باعث منسوخNode ID: 462166
