بالی وڈ کی معروف اداکارہ کاجول نے کہا ہے کہ فلم سیٹس اب خواتین کے لیے زیادہ محفوظ ہیں۔
ٹائمز آف انڈیا کو دیے گئے ایک انٹرویو میں کاجول کا کہنا تھا کہ فلم انڈسٹری سے تعلق رکھنے والوں کو خود اپنے کردار کا جائزہ لینا چاہیے اور کام کے لیے صحت مند ماحول پیدا کرنا چاہیے۔
کاجول کا کہنا تھا کہ آج کل فلم سیٹس خواتین کے لیے بالکل محفوظ ہیں۔
مزید پڑھیں
-
شاہ رخ خان اب ’موگیمبو‘ کا کردار نبھائیں گے؟Node ID: 459696 -
کرینہ کا شاہد کپور سے بریک اپ، ’قسمت کو یہی منظور تھا‘Node ID: 460531 -
’شعلے‘ اور ’ڈی ڈی ایل جی‘ دیگر فلموں سے منفرد کیوں؟Node ID: 461656
’ویسے بھی فلم سیٹ اتنی بڑی جگہ پر نہیں پھیلا ہوتا کہ اس پر ہونے والی سرگرمیوں کو خفیہ رکھا جا سکے۔‘
کاجول نے کہا کہ فلم سیٹ پر ہونے والی سرگرمیاں سب کے علم میں ہوتی ہیں۔ انہوں نے کہا کہ بیشتر پروڈکشن ہاؤسز اور دیگر نے ہراسگی جیسے واقعات سے متعلق شکایات سننے کے لیے ٹیمیں تشکیل دی ہیں۔
ان کے مطابق سیٹ ہر ہونے والے واقعات کو اب پوشیدہ رکھنا ممکن نہیں۔
ساتھ ہی کاجول نے اس بات پر بھی زور دیا کہ انسان کو خود بھی اپنی حرکتوں پر چیک رکھنا چاہیے۔
9 fierce women, 9 different backgrounds, 1 stark reality. Here’s a glimpse of what happens when these women are put together in a room! Stay tuned for our short film, #Devi on 2nd March on @largeshortfilmshttps://t.co/LCAnYjc2Pw@shrutihaasan @NehaDhupia @neenakulkarni
— Kajol (@itsKajolD) February 24, 2020
کاجول نے اپنی حالیہ ریلیز ہونے والی فلم ’دیوی‘ کا ذکر کرتے ہوئے کہا کہ نہ صرف فلم کی کاسٹ میں صرف خواتین ہیں، بلکہ فلم کے ڈائریکٹر بھی خاتون ہیں۔
مجھے خاتون فلم ڈائریکٹر کے ساتھ کام کرنے کی بے حد خوشی ہے، اور ہم درست سمت کی طرف بڑھ رہے ہیں۔
کاجول کا کہنا تھا کہ پروڈکشن ہاؤسز کو خواتین سے نازیبا سلوک کی ذمہ داری لینا ہوگی۔
50 سالہ اداکارہ کے مطابق صنفی عدام توازن صرف انڈین فلم انڈسٹری میں نہیں پایا جاتا بلکہ پوری دنیا کو اس مسئلے کا سامنا ہے۔
