وزارت صحت نے بتایا کہ دیگر 58 مریض ایسے ہیں جو پہلے سے کورونا وائرس میں مبتلا افراد کے ساتھ رہ رہے تھے۔ بعض کو شادی کی تقریبات یا تعزیتی اجتماع اور فیملی میل ملا پ کے ذریعے کورونا وائرس کا عارضہ لاحق ہوا۔
بیان میں بتایا کہ کورونا وائرس کے 70 نئے مریضوں میں سے 49 ریاض، گیارہ جدہ اور دو مکہ مکرمہ میں ہیں جبکہ مدینہ منورہ ، دمام، ظہران، قطیف، باحہ، تبوک، بیشہ اور حفر الباطن میں ایک ، ایک ہیں۔
وزارت صحت نےمزید کہا ہے کہ مملکت میں نئے کورونا وائرس کے مریضوں کی مجموعی تعداد 344 ہوگئی ہے۔ ان میں سے 8 صحت یاب ہوچکے ہیں باقی کا علاج چل رہا ہے۔ دو کی حالت نازک ہے دیگر سب خطرے سے باہر ہیں۔
