متحدہ عرب امارات نے سرکاری اور نیم سرکاری اداروں میں کام کرنے والے غیر ملکی ملازمین کو ورک پرمٹس اور اینٹری پرمٹس دینے کا دوبارہ آغاز کر دیا ہے۔
عرب نیوز کے مطابق نیشنل ہیلتھ ایمرجنسی کرائسس اور ڈیزاسٹر مینجمنٹ اتھارٹی نے یہ بیان پیر کو ٹوئٹر پر جاری کیا۔
مزید پڑھیں
-
امارات میں پاکستانی پروازوں پر پابندی، مسافر مشکل میںNode ID: 489056 -
پانچ عرب ملکوں نے بین الاقوامی پروازیں بحال کر دیںNode ID: 489431 -
ایمریٹس ایئر، فلائی دبئی کے روٹس میں اضافہNode ID: 500016
متحدہ عرب امارات نے کورونا وائرس کی وبا پر قابو پانے کے لیے مارچ میں ہر طرح کے پرمٹس معطل کر دیے تھے۔
تیل سے مالامال ملک متحدہ عرب امارات میں لاکھوں غیر ملکی کارکن اور ملازمین کام کرتے ہیں۔
امارات نے کورونا وائرس کے باعث نئے ویزے کے اجرا اور ملک میں غیر ملکیوں کے داخلے پر پابندی لگا رکھی تھی۔
متحدہ عرب امارات میں کورونا وائرس سے اب تک 99 ہزار 733 افراد متاثر ہوئے ہیں جبکہ 429 اموات ہوئی ہیں۔
متحدہ عرب امارات کی جانب سے ملک میں غیر ملکیوں کے داخلے کے لیے ویزے 24 ستمبر سے دوبارہ کھولے گئے ہیں۔
اس سے قبل جمعے کو دبئی میں حکام نے سفر کے حوالے سے نئے ضوابط کا اعلان کیا تھا۔
The Federal Authority for Identity and Citizenship in coordination with the NCEMA resumes the granting of entry permits for domestic workers as well as employment permits for government and semi-governmental entities and vital facilities in the country#CommitToWin pic.twitter.com/lAU1cfnWjp
— NCEMA UAE (@NCEMAUAE) October 5, 2020
عرب نیوز نے دبئی میڈیا آفس کے حوالے سے بتایا تھا کہ دبئی آنے والوں کے لیے دبئی سے جاتے وقت پی سی آر ٹیسٹ کی شرط ختم کر دی گئی ہے۔
اب ایسے افراد کو جو کہ دوسری جگہوں سے دبئی آتے ہیں انہیں صرف آمد کے وقت ٹیسٹ کرانا پڑے گا۔
تاہم سیاحوں اور شہریوں کے لیے دبئی آمد پر پی سی آر ٹیسٹ کرانا لازمی ہوگا۔
باخبر رہیں، اردو نیوز کو ٹوئٹر پر فالو کریں
