ایک ماہ میں تین ہزار سعودیوں کو فیکڑیوں میں روزگار
ایک ماہ میں تین ہزار سعودیوں کو فیکڑیوں میں روزگار
بدھ 11 نومبر 2020 20:20
اکتوبر میں 124 کارخانوں کولائسنس جاری کیے گئے(فوٹو سوشل میڈیا)
سعودی وزارت صنعت ومعدنیات نے کہا ہے کہ اکتوبر کے دوران تین ہزار سعودیوں کو فیکڑیوں میں ملازم رکھا گیا ہے جب کہ 32 فیکڑیوں نے پیداوار شروع کردی ہے۔
اخبار 24 کے مطابق وزیر صنعت بندر الخریف کا کہنا ہے کہ’ سعودی عرب میں اکتوبر کے آخر تک فیکڑیوں کی کل تعداد نو ہزار 600 ہوگئی ہے جبکہ ستمبر میں ان کی تعدد نو ہزار 400 تھی‘۔
انہوں نے کہا کہ ’صنعتی شعبے نے اکتوبر میں قومی اہداف کے حصول کا سلسلہ بر قرار رکھا ہے‘۔
90 کارخانوں پر 1.56 ارب ریال کا سرمایہ لگایا گیا ہے(فوٹو عرب نیوز)
’اکتوبر میں 124 کارخانوں کولائسنس جاری کیے گئے جو مستقبل میں روزگار کے پانچ ہزار مواقع فراہم کریں گے‘۔
انہوں نے مزید کہا کہ ’کورونا وبا کے باوجود 31 فیکڑیوں نے کام شروع کردیا ہے۔ وزارت کی رہورٹ میں بتایا گیا ہے کہ 90 کارخانوں پر 1.56 ارب ریال کا سرمایہ لگایا گیا ہے‘۔
’صنعت کے شعبے میں کام کرنے والے 1594 غیر ملکی ملازم چلے گئے۔ ان کی جگہ سعودیوں کا تقرر کیا گیا ہے‘۔
