سعودی مجلس شوری نے سعودی سینٹرل بینک کے مسودہ قانون کی منظوری دی ہے ۔
سبق ویب کے مطابق پیر کو شوری کا آن لائن اجلاس ڈاکٹر عبدااللہ آل الشیخ کی زیر صدارت ہوا ہے۔
ارکان شوری نے مقامی زرعی پیداوار ومصنوعات کی حوصلہ افزائی اور تحفظ کےلیے کسٹم فیس کے قانون کی ایک شق میں ترمیم بھی کی ہے۔
سعود ی خبر رساں ادارے ایس پی اے کے مطابق مجلس شور ی نے نئے سیشن کے بعد ہونے والے پہلے اجلاس میں چودہ خصوصی کمیٹیاں بھی قائم کردیں۔
ہر کمیٹی کی مدت ایک برس ہے۔ کمیٹی کے سربراہ اور نائب کی نا مزدگی ایک بار سے زیادہ نہیں ہوسکتی۔
اسلامی و عدالتی امور، سیکیورٹی، تعلیم اور سائنس ریسرچ، حج ، رہائش، خدمات، سماجی وخاندانی امور، خارجہ امور، ثقافت ابلاغ ، آثار قدیمہ، ٹرانسپورٹ، انفارمیشن ٹیکنالوجی، زاعت پانی وماحولیات، انتظامیہ و افرادی قوت، معیشت وتوانائی، مالیاتی امور، انسانی حقوق اور نگراں اداروں کی کمیٹیاں تشکیل دی گئی ہیں۔
ہر کیمیٹی کے سربرارہ اور نائب کا انتخاب خفیہ رائے شماری سے کیا گیا ہے۔
یاد رہے کہ شوری کی خصوصی کمیٹیاں مطلوبہ امور پر بحث کرکے رپورٹ پیش کرتی ہیں۔
