عرب اتحاد برائے یمن کے ترجمان بریگیڈیئر ترکی المالکی نے کہا ہے کہ ایران نواز دہشتگرد حوثیوں کی جانب سے بحرِ احمر کے جنوب میں بچھائی گئی دو بارودی سرنگوں کو ناکارہ بنا دیا ۔دونوں بارودی سرنگیں ’صدف‘ طرز کی ایرانی ساختہ تھیں۔
ویب نیوز ’سبق‘ کے مطابق المالکی نے توجہ دلائی کہ اس سے قبل بھی حوثیوں نے بحرِ احمر میں جگہ جگہ بارودی سرنگیں بچھائی تھیں جن کی تعداد166 تھی تمام سرنگوں کو تلاش کر کے انہیں ناکارہ بنا دیا گیا۔
المالکی نے کہا کہ حوثی دہشتگردوں کی سرگرمیاں باب المندب اور جنوبی بحرِ احمر کی جہاز رانی کے لیے انتہائی خطر ناک ہیں ۔
عرب اتحاد کا کہنا ہے کہ حوثیوں کی دہشتگردانہ سرگرمیوں کی پشت پر ایرانی ہیں جو انہیں اس قسم کی دھماکہ خیز مواد مسلسل فراہم کررہے ہیں۔
