سعودی صنعتی ترقیاتی فنڈ نےایک ارب ریال سے زیادہ مالی مدد بھی فراہم کی ہے۔(فوٹو عرب نیوز)
سعودی صنعتی ترقیاتی فنڈ (ایس آئی ڈی ایف)نے کورونا وائرس کے باعث نجی شعبے کو ہونے والے مالی نقصانات کو کم کرنے کے لئے 5 ارب ریال کی فنڈنگ کے لیے اقدامات کا آغاز کیا ہے۔
عرب نیوز کے مطابق سعودی پریس ایجنسی ایس پی اے نے بدھ کو بتایا ہے کہ مجموعی طور پر 546 منصوبوں کی تشکیل نو کے لیے 4 ارب ریال سے زیادہ کی رقم رکھی گئی ہے۔
صنعتوں کے لیے قرضوں کے طریقہ کار کو خود کار بنانے پر زور دیا ہے۔(فوٹو عرب نیوز)
رپورٹ میں مزید بتایا گیا ہے کہ 274 چھوٹے منصوبوں کی تنظیم نو کے لیے 826 ملین ریال رکھے گئے ہیں۔ اس کے علاوہ 906 ملین ریال 118درمیانے منصوبوں کے لیے جب کہ 40 بڑے منصوبوں کی تنظیم نو کے لیے 2.3 ملین ریال کا فنڈ رکھا گیا ہے۔
سعودی صنعتی ترقیاتی فنڈ نے ایکارب ریال سے زیادہ مالی مدد بھی فراہم کی ہے۔
اس میں 12 میڈیکل اور فارماسیوٹیکل کے منصوبوں میں خام مال کی لاگت کو پورا کرنے کے لئے607 ملین ریال کی مدد کی جائے گی۔
اس کے علاوہ چھوٹی اور درمیانے درجے کی 86 کمپنیوں کے لیے آپریٹنگ اخراجات کے لیے 477 ملین ریال سے زائد کی کریڈٹ لائن شامل ہے۔
سعودی صنعتی ترقیاتی فنڈ کی جانب سے بتایا گیا ہے کہ اس نے صنعتوں کے لیے قرضوں کے طریقہ کار کو خود کار بنانے پر زور دیا ہے اور اس کارکردگی کو بڑھانے کے لیے پہلی سرکاری ایجنسی کے طور پر الیکٹرانک دستخطوں کا طریقہ کار اپنایا جائے گا۔
ولی عہد کی موجودگی میں235ارب کے37 معاہدےNode ID: 383486
’ترقیاتی منصوبوں کے لیے فنڈز کی فراہمی جاری رہے گی‘Node ID: 481806
مقامی افرادی قوت، نجی شعبے میں روزگار کے لیے ٹریننگ پروگرامNode ID: 511531
