’ہر خرابی‘ میں الیکشن کمیشن برابر کا ذمہ دار ہے: پی ڈی ایم

مسلم لیگ ن کی نائب صدر مریم نواز نے کہا ہے کہ وزیراعظم نے اس لیے فارن فنڈنگ کیس کو دبایا کیونکہ ان کو انڈیا اور اسرائیل سے پیسہ فراہم کیا گیا۔

منگل کو الیکشن کمشن کے سامنے پی ڈی ایم کے مظاہرے سے خطاب کرتے ہوئے مریم نواز کا مزید کہنا تھا کہ ساڑھے چھ سال سے فارن فنڈنگ کیس کو آگے نہیں بڑھنے دیا گیا۔

انہوں نے عمران خان کے اس بیان ’مجھے پی ڈی ایم سے کوئی فرق نہیں پڑتا‘ کا حوالہ دیتے ہوئے کہا کہ یہ پی ڈی ایم کا ہی دباؤ ہے کہ ساڑھے چھ سال سے دبے کیس کو کھولنا پڑا۔

مریم نواز کے مطابق ’ہم جہاں کھڑے ہیں اسے شاہراہ دستور کہتے ہیں، اس کے دونوں طرف انصاف دینے والے ادارے ہیں لیکن افسوس کہ پاکستان میں آئین ہے نہ انصاف ہے۔‘

انہوں نے فارن فنڈنگ کیس کو ملکی تاریخ کا سب سے بڑا فراڈ قرار دیتے ہوئے کہا جب عوامی دباؤ پر سکروٹنی کمیٹی بنائی گئی تو اس کو کہا گیا ’ہاتھ  ہولا رکھے۔‘

بقول ان کے ’نواز شریف کا کیس تو دنوں میں چلتا اور ختم ہوتا ہے، دو دو سماعتیں ہوتی ہیں لیکن اس کیس کی سات برسوں میں صرف 70 سماعتیں ہوئیں۔

انہوں نے وزیراعظم کے اس بیان کہ ’یہ سب ایجنٹس نے کیا، میرے علم نہیں تھا‘ کا حوالہ دیتے ہوئے کہا واہ واہ واہ۔۔ یا تو آپ بہت بڑے بے وقوف ہیں یا پھر عوام کو بے وقوف سمجھتے ہیں۔‘ 

انہوں نے ای سی پی کو مخاطب کرتے ہوئے کہا کہ ان کو بھی جواب دینا پڑے گا۔

اس موقع پر جعمیت علمائے اسلام کے سربراہ اور پی ڈی ایم کے صدر مولانا فضل الرحمن نے کہا کہ آج عوام نے حکمرانوں کو نمونہ دکھا دیا ہے کہ انہیں بھاگنے کا موقع بھی نہیں ملے گا۔

مولانا فضل الرحمن کا مزید کہنا تھا کہ 2018 کے الیکشن کے بعد اسی جگہ مظاہرہ کر کے الیکشن کو مسترد کیا تھا اور آج بھی اسی موقف پر قائم ہیں۔

انہوں نے کہا کہ یہ حکومت منتخب ہے نہ اسے ملک پر حکومت کرنے کا حق ہے۔

مولانا فضل الرحمن نے وزیراعظم کے بیان ’تیاری نہیں تھی‘ کے تناظر میں کہا ’جب تم نے مان لیا کہ نااہل ہو، تو کس پاگل نے کہا تھا کہ سیاست کرو‘

مولانا فضل الرحمن نے حکومت پر تنقید کرتے ہویے کہا کہ پہلے یہ حکومت ناجائز تھی، پھر نالائق ثابت ہوئی اور اب پوری پارٹی چور ثابت ہو گئی ہے۔„

اس کے ساتھ انھوں نے کہا کہ ’اب بھی الیکشن کمیشن انھیں تحفظ فراہم کرتا ہے تو ایک بے بس الیکشن کمیشن پر ہم آئندہ اعتماد نہیں کر سکیں گے۔‘

انہوں نے وفاقی وزرا کی جانب سے مدارس کے بچے لائے کے بیانات کا حوالہ دیتے ہوئے کہا کہ ایک طرف یہ کہتے ہیں کہ ہم مدارس کو قومی دھارے میں لانا چاہتے ہیں اور جب وہ بندوق رکھ کر مثبت سیاست کی طرف آتے ہیں تو اس پر بھی ان کو اعتراض ہے۔

اس سے پہلے  منگل کو احتجاج کی حکمت عملی مرتب کرنے کے لیے مولانا فضل الرحمن کی رہائش گاہ پر اپوزیشن رہنماوں کا اجلاس ہوا۔ مولانا فضل الرحمن کی سربراہی میں ہونے والے اجلاس میں مسلم لیگ ن کے رہنما خرم دستگیر، پیپلز پارٹی کے راجہ پرویز اشرف، شیری رحمن اور پشتون خواہ ملی عوامی پارٹی کے محمود اچکزئی، جے یو آئی ف کے سینیٹر عبدالغفور حیدر اور دیگر قائدین نے شرکت کی۔

مزید پڑھیں

اس سے قبل مریم نواز نے راولپنڈی کے نوازشریف پارک سے ریلی کی قیادت کرنا تھی تاہم پی ڈی ایم کے مشاورتی اجلاس کے باعث مریم نواز، نوازشریف پارک کے سامنے لگے استقبالیہ کیمپ میں نہیں جا سکیں۔  

دوسری جانب پی ڈی ایم کا الیکشن کمیشن کے باہر احتجاج  کا جائزہ لینے کے لیے وزارت داخلہ میں کنٹرول روم قائم کر دیا گیا جس کی نگرانی وفاقی وزیر داخلہ شیخ رشید کا صورتحال خود مانیٹر کر رہے تھے۔  

وفاقی وزیر داخلہ شیخ رشید احمد کے مطابق ’شاہراہ دستور پر پہلی دفعہ اجازت دی گئی ہے، امید ہے پی ڈی ایم کی قیادت الیکشن کمشن کے باہر احتجاج کو پر امن رکھے گی۔‘  

پی ڈی ایم کے مطالبات کیا ہیں؟ 

0 seconds of 2 minutes, 4 secondsVolume 90%

Press shift question mark to access a list of keyboard shortcuts

Keyboard ShortcutsEnabledDisabled

Shortcuts Open/Close/ or ?

Play/PauseSPACE

Increase Volume↑

Decrease Volume↓

Seek Forward→

Seek Backward←

Captions On/Offc

Fullscreen/Exit Fullscreenf

Mute/Unmutem

Decrease Caption Size-

Increase Caption Size+ or =

Seek %0-9

Live

00:00

02:04

02:04

 

2014 میں تحریک انصاف نے مسلم لیگ ن کی حکومت کے خلاف ڈی چوک پر دھرنا دیا تھا تاہم اس وقت کی اپوزیشن جماعت پاکستان پیپلز پارٹی نے تحریک انصاف کے دھرنے سے لا تعلقی کا اظہار کیا تھا اور مولانا فضل الرحمان کی جے یو آئی ف لیگی حکومت کے ساتھ اتحادی جماعت تھی۔ 

جبکہ اس بار تحریک انصاف حکومتی بنچوں پر موجود ہے اور مسلم لیگ ن، پیپلز پارٹی اور جے یو آئی (ف) سمیت 11 جماعتوں کا اپوزیشن اتحاد شاہراہ دستور پر احتجاج کر رہا ہے۔  

پی ڈی ایم میں شامل جماعتوں کے مطابق اس احتجاج کا مقصد الیکشن کمیشن میں حکومتی جماعت تحریک انصاف کے فارن فنڈنگ کیس کا  فیصلہ نہ آنا ہے جبکہ ان کا مطالبہ ہے کہ الیکشن کمیشن اس کیس کا جلد از جلد فیصلہ سنائے۔   

خیال رہے کہ 2014 میں تحریک انصاف ہی کے منحرف رکن اکبر ایس بابر نے الیکشن کمیشن میں پارٹی فنڈز میں بے ضابطگیوں کے حوالے سے درخواست دائر کی تھی۔ 

اس درخواست میں دعویٰ کیا گیا تھا کہ تحریک انصاف نے ممنوعہ ذرائع سے غیر ملکی آف شور کمپنیوں سے فنڈز اکٹھے کیے ہیں۔  

ریڈ زون کی سیکیورٹی ہائی الرٹ   

ضلعی انتظامیہ کی جانب سے شاہراہ دستور کے داخلی راستے پر ریلی کے شرکا کے لیے واک تھرو گیٹس نصب کیے گئے جبکہ  الیکشن کمیشن اور ملحقہ عمارتوں کی سیکیورٹی کو مزید سخت کر دیا گیا۔

اسلام آباد کی ضلعی انتظامیہ کے مطابق الیکشن کمیشن کی عمارت اور پارکنگ میں کسی کو داخلے کی اجازت نہیں تھی جبکہ ریڈ زون میں 1800 سے زائد پولیس اور دیگر سیکیورٹی اہلکار ڈیوٹی نے فرائض سر انجام دیے۔

اس کے علاوہ سیف سٹی کیمروں اور ڈرون کیمروں کی مدد سے بھی سیکیورٹی صورتحال کا جائزہ لیا گیا۔