خطرناک جانوروں کی افزائش پر پابندی، خلاف ورزی پر سزا ہوگی

سعودی عرب میں جنگلی حیات کی افزائش کے قومی مرکز نے کہا ہے کہ سعودی عرب میں شکاری جانوروں کی افزائش منع ہے- پابندی کی خلاف ورزی کرنے والوں کے لیے سزائیں مقرر ہیں-

العربیہ نیٹ کے مطابق قومی مرکز نے بتایا کہ دراصل جانوروں کے مزاج کے پیش نظر ان کی افزائش بے حد پرخطر ہے- ان کی افزائش کے لیے مناسب ماحول اور تحفظ کے اعلی درجے کے وسائل درکار ہوتے ہیں- اس بات کو یقینی بنایا جانا ضروری ہوتا ہے کہ وہ آبادی کا رخ نہ کریں-

قومی مرکز نے بیان جاری کرکے بتایا کہ سعودی عرب شاہی فرمان کے ذریعے ہر طرح کے جانوروں کی درآمد پر پابندی لگائے ہوئے ہے- نہ تو نجی استعمال کے لیے خطرناک جانور استعمال کیے جاسکتے ہیں اور نہ ہی کاروباری مقاصد کے لیے-

قومی مرکز کا کہنا ہے کہ چونکہ خطرناک جانور پالنے کے لائسنس جاری نہیں ہوتے- ماحولیاتی قانون میں واضح کیا گیا ہے کہ اس طرح کے جانور پالنے کی سزا 30 ملین ریال تک جرمانہ اور دس برس تک قید ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں