کورونا ویکسین لینے والوں کے لیے خصوصی رعایت

وزارت تجارت نے کہا ہے کہ تجارتی ادارے کورونا ویکسین لینے والوں کو خصوصی رعایت دے سکتے ہیں۔

سبق ویب سائٹ کے مطابق وزارت نے کہا ہے کہ ’کورونا ویکسین لینے کو دی جانے والی خصوصی آفر کے لیے تجارتی اداروں کو اجازت نامہ لینے کی ضرورت نہیں ہوگی‘۔

’ویکسین لینے والوں کو دی جانے والی رعایت تجارتی اداروں کے سیل کے کوٹے سے منہا نہیں ہوگی‘۔

واضح رہے کہ سعودی عرب میں تجارتی اداروں کو رعایتی پیشکش یا سیل میلے سے پہلے وزارت تجارت سے اجازت نامہ لینا ضروری ہے۔ تجارتی اداروں کا سپیشل ڈسکاؤنٹ کے لیے خصوصی کوٹہ ہے جس سے تجاوز نہیں کیا جاسکتا۔