بدھ کی شب چاند کعبہ کے عین اوپر ہوگا

سعودی عرب میں فلکیاتی کمیٹی کے سربراہ انجینئرماجد ابوزاھرہ کا کہنا ہے کہ ’بدھ 24 مارچ کی شب چاند کعبہ کے عین اوپر ہو گا اور یہ نظارہ سال رواں میں دوسرا ہے۔‘

ویب نیوز اخبار 24 نے فلکیاتی کمیٹی کے سربراہ کے حوالے سے مزید کہا کہ ’چاند کعبہ کے عین اوپر مکہ کے وقت کے مطابق بدھ کی شب 9 بج کر10 منٹ پر ہوگا جسے فجر کے وقت 3 بج کر 59 منٹ تک دیکھا جاسکے گا۔‘

انہوں نے مزید کہا کہ ’چاند کے خانہ کعبہ کے عین اوپر آنے سے اس وقت کے اعتبار سے کہیں سے بھی کعبہ کی سمت کا درست تعین کیا جاسکتا تاہم مکہ کے قریبی شہروں کے لیے کعبہ کی سمت کا تعین کرنا مفید نہیں ہوگا جن میں جدہ ، طائف اور عسفان وغیرہ شامل ہیں۔‘

واضح رہے کہ رواں سال 28 جنوری کو چاند خانہ کعبہ کے عین اوپر تھا جو رات 10 بج کر 16 منٹ پر دیکھا گیا تھا جبکہ گذشتہ برس 2020 میں بھی یہ فلکی نظارہ دو بار دیکھا گیا تھا۔