رمضان میں روزانہ 50 ہزار افراد عمرہ کرسکیں گے
عمرہ اور نماز کے لیے نکلتے وقت اجازت نامہ چیک کیا جائے- (فوٹو وزارت حج و عمرہ)
مقدس مساجد کی انتظامیہ نے کہا ہے کہ مسجد الحرام میں عمرہ زائرین اور نمازیوں کی تعداد میں بڑی گنجائش کا فیصلہ کیا گیا ہے۔ روزانہ پچاس ہزار افراد عمرہ اور ایک لاکھ افراد نماز ادا کرسکیں گے۔ عمرہ اور نماز کے اجازت نامے ’توکلنا‘ ایپ کے ذریعے ویکسین ہولڈرز کو دیے جائیں گے۔
کورونا کی دونوں ویکسینز یا پہلی ویکسین پر 14 دن گزارنے والوں یا وائرس سے شفا پانے والوں کو جاری ہوں گے۔ یہ پروگرام یکم رمضان منگل 13 اپریل سے شروع ہوگا۔ سب پر کورونا ایس او پیز کی پابندی لازمی ہوگی۔
سعودی خبررساں ادارے ایس پی اے کے مطابق انتظامیہ کے عہدیدار نے بتایا کہ اعلی قیادت نے مسجد الحرام میں عمرہ اور نماز کے لیے توسیع کا فیصلہ زائرین کی صحت و سلامتی کے تحفظ کو یقینی بنانے والے اقدامات کے ساتھ کیا ہے۔
انتظامیہ کے عہدیدار نے مزید کہا کہ عمرہ اور مسجد الحرام میں نماز کے اجازت نامے صرف اعتمرنا اور توکلنا ایپ کے ذریعے حاصل کیے جائیں- اس کے علاوہ کسی اور ذریعے سے حاصل کردہ اجازت نامے غیر معتبر اورغیر موثر ہوں گے- فرضی پلیٹ فارموں اور جعلی ویب سائٹس سے ہوشیار رہا جائے۔ حرم مکی جانے سے قبل عمرہ یا نماز کے اجازت نامے کی تاریخ اور وقت ضرور چیک کرلیں۔
انتظامیہ کے عہدیدار نے کہا کہ مسجد الحرام میں داخل ہوتے وقت متعلقہ اہلکاروں کو توکلنا ایپ کے ذریعے عمرہ یا نماز کا اجازت نامہ دکھایا جائے۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
اعتمرنا ایپ میں 4 نئے اجازت ناموں کا اجرا شروعNode ID: 511291
عمرے کا اعادہ اور اجازت نامہ کینسل کرنے کا طریقہ کیا ہے؟Node ID: 513171
