دفاعی نظام نے حوثیوں کا ڈرون، بیلسٹک میزائل حملہ ناکام بنا دیا

عرب اتحاد کا کہنا ہے کہ سعودی عرب پر حوثیوں کا ڈرون اور بیلسٹک میزائل حملہ ناکام  بنا دیا ہے۔

عرب اتحاد برائے یمن  کے مطابق جعمرات کو سعودی عرب کے دفاعی نظام نے سعودی عرب کی جانب داغے جانے والے تین بیلسٹک میزائل اور آٹھ ڈرونز کو  فضا ہی میں روک کر تباہ کردیا۔

عرب اتحاد نے ٹوئٹر پر ایک بیان میں کہا ہے کہ ڈرون اور بیلسٹک میزائل حملہ یمن میں ایران کے حمایت یافتہ حوثی باغیوں نے کیا۔ 

نئے حملہ ایک ایسے وقت کیا گیا ہے کہ جب اقوام متحدہ کی جانب سے حوثی باغیوں کو تشدد ترک کرنے کی کالز کے باوجود یمن کے سٹریٹیجک اہمیت کے حامل شہر مارب کے لیے لڑائی جاری ہے۔