حوثی ملیشیا کی کامیابی کے دعوے جھوٹ پر مبنی ہیں:اتحادی افواج

اتحادی افواج  کے ترجمان بریگیڈیئر ترکی المالکی نے کہا ہے کہ حوثی ملیشیا فرضی کامیابیوں کے من گھڑت دعوے پھیلا رہی ہے۔

العربیہ نیٹ کے مطابق انہوں نے کہا ہے کہ ’حوثیوں کی جانب سے کئے جانے والے اس پروپیگنڈے کا مقصد اپنے عناصر کا حوصلہ بلند کرنا ہے‘۔

’حوثی ملیشیا اس وقت اپنے زیر قبضہ علاقوں میں مذکورہ جھوٹے دعوؤں سے عوامی غصے کو ٹھنڈا کرنے کی کوشش کر رہی ہے‘۔

المالکی نے کہا ہے کہ ’حوثی ملیشیا میڈیا کے ذریعے کامیابی کے جھوٹے اور من گھڑت دعوے پھیلا رہی ہے تا کہ حقیقی زمینی صورت حال کو چھپا سکے‘۔

 ’دہشت گرد ملیشیا مارب اور الجوف میں جانی اور مالی نقصان پر پردہ ڈالنا چاہتی ہے۔ مذکورہ دونوں صوبوں میں حوثیوں کی 4000 سے زیادہ عسکری گاڑی اور سواریاں تباہ ہو چکی ہیں‘۔

انہوں نے کہا ہے کہ ’گزشتہ 6 ماہ کے دوران اتحادی افواج  کی فوجی کارروائیوں میں حوثی ملیشیا کے 20 ہزار سے زیادہ ارکان ہلاک اور زخمی ہوئے‘۔