پٹرول سٹیشنوں پر ڈکیتی میں ملوث گروہ پکڑا گیا

سعودی عرب میں مشرقی ریجن میں پولیس نے پیٹرول اسٹیشنوں پر ڈکیتی کرنے اور لوگوں کو لوٹنے کے الزام میں چار سعودی شہریوں کو حراست میں لے لیا ہے۔

مشرقی ریجن کے پولیس ترجمان کرنل محمد الشھری نے سعودی خبررساں ایجنسی ایس پی اے سے گفتگوکرتے ہوئے  کہا کہ ’ملزمان کے خلاف پانچ جرائم میں مقدمہ درج کیا گیا ہے۔ پٹرول اسٹیشن پرکام کرنے والے غیر ملکی ملازمین کو  ہتھیار دکھا ان سے نقد رقم چھینے کا الزام ہے‘۔

ان کے قبضے سے واردات میں زیر استعمال  گاڑی اور نشہ آوراشیا بھی برآمد  کی گئی ہیں، گرفتار ملزمان کی عمریں بیس اور تیس برس کے درمیان ہیں۔ 

گروہ کے چاروں افراد کا کیس پراسیکیوشن جنرل کے ادارے کو ارسال کردیا گیا ہے جہاں سے ان کا کیس عدالت میں جمع کرایا جائے گا۔