شاہراہوں پرسولرلائٹس کی تنصیب جاری

سعودی وزارت نقل و حمل نے  کہا ہے کہ وہ اہم شاہراہوں پر شمسی توانائی سے کام کرنے والی لائٹیس کی تنصیب کا عمل جاری ہے-  

ویب نیوز ’اخبار  24 ‘کے مطابق مقامی شہری نے تجویز دی تھی کہ وزارت توانائی اور وزارت نقل وحمل شمسی توانائی سے فائدہ اٹھائے اور قریوں و شہروں کو جوڑنے والی ذیلی سڑکوں پر شمسی توانائی سے کام کرنے والی لائٹیں لگائی جائیں- 

وزارت نقل و حمل نے  مقامی شہری کی تجویز پر قریوں اور شہروں کو جوڑنے والی  سڑکوں اور چوراہوں پر شمسی توانائی سے کام کرنے والی لائٹیں نصب کرنے کا کام شروع کردیا- 

مقامی شہری نے وزارت نقل و حمل کے رابطہ مرکز کے ٹوئٹر پر تحریر کیا تھا کہ اگر وزارت نقل و حمل اور وزارت توانائی ایک دوسرے سے تعاون کریں تو ایسی صورت میں ٹریفک حادثات کم ہوں گے-

بیشتر حادثات شاہراہوں پر اندھیرے کی  وجہ سے ہوتے ہیں ۔ گاڑیوں کے ڈرائیوروں کو سڑکوں پر گڑھے، الٹے سیدھے راستے اور ٹوٹ پھوٹ نظر نہیں آتی-

یہ مسئلہ شہروں اور قریوں کو جوڑنے والی ذیلی سڑکوں پر روشنی کے انتظام سے ہوسکتا ہے- اس پر لاگت بھی کم آتی ہے اور شمسی توانائی سے چلنے والے بلب لگا کر یہ  کام انجام دیا جاسکتا ہے-