سعودی قیادت کی طرف سے امیر کویت کو تعزیتی پیغام

خادم حرمین شریفین شاہ سلمان بن عبد العزیز نے شیخ فیصل محمد عبد العزیز المالک الصباح کی وفات پر امیر کویت شیخ نواف الاحمد الجابر الصباح کو تعزیتی پیغام روانہ کیا ہے۔

سعودی پریس ایجنسی کے مطابق شاہ سلمان نے اپنے تعزیتی پیغام میں شیخ فیصل کی وفات پر گہرے دکھ اور رنج کا اظہار کیا ہے۔

انہوں نے متوفی کے لیے بلندی درجات کی دعا کرتے ہوئے کہا ہے کہ ’ہم پسماندگان کے غم میں برابر کے شریک ہیں۔‘

اسی طرح  کا پیغام ولی عہد ووزیر دفاع شہزادہ محمد بن سلمان نے بھی امیر کویت شیخ نواف الاحمد الجابر الصباح کے نام روانہ کیا ہے۔

ولی عہد نے اپنے پیغام میں اظہار تعزیت کرتے ہوئے متوفی کے لیے بلندی درجات کی دعا ہے ۔