بریدہ کھجور میلہ اتوار کو شروع ہوگا، 35 دن جاری رہے گا
بریدہ کھجور میلہ اتوار کو شروع ہوگا، 35 دن جاری رہے گا
جمعہ 30 جولائی 2021 19:56
القصیم میونسپلٹی کھجور میلے کے انتظامات کرے گی( فوٹوٹوئٹر)
بریدہ کھجور میلہ اتوار یکم اگست 2021 کو شروع ہوگا جو 35 دن جاری رہے گا۔ القصیم میونسپلٹی اس کے انتظامات کرے گی۔
سرکاری خبر رساں ایجنسی ایس پی اے کے مطابق قصیم گورنریٹ، وزارت ثقافت کے ساتھ سٹراٹیجک شراکت کے بموجب بریدہ کھجور میلے میں کئی سرکاری، سماجی اور فلاحی اداروں کو شریک کرے گا۔
کورونا سے بچاؤ کے سخت انتظامات کے تحت سرگرمیاں کی جا رہی ہیں( فوٹو ٹوئٹر)
بریدہ کھجور میلے میں چار ہزار سے زیادہ سعودی نوجوان شرکت کریں گے۔ اس موقع پر معاشرے کے مختلف طبقوں کے ذوق اور پسند کے رنگا رنگ پروگرام بھی ہوں گے۔
میلے کی تمام سرگرمیاں کورونا وائرس سے بچاؤ کے سخت انتظامات کے تحت کی جا رہی ہیں۔
