ینبع کے تاریخی علاقے میں قدیم گھر اور پرانی طرز کی دکانیں

ینبع کا تاریخی علاقہ مقامی شہریوں اور سیاحت کے لیے آنے والوں کی توجہات کا محور بن گیا - یہاں بحر احمر کے ساحل پر قدیم گھر، پرانے طرز کی دکانیں اپنی الگ پہچان رکھتی ہیں- یہ علاقے کی قدیم تاریخ اور جزیرہ نمائے عرب میں پے درپے آنے  والے تمدنوں کی کہانی بیان کرنے والے آثار قدیمہ کا اٹوٹ نشان ہیں- 

ایس پی اے کے مطابق ینبع کا تاریخی علاقہ سیاحوں کے یہاں بڑی اہمیت رکھتا ہے- وہ مٹی اور پتھر کے بنے پرانے مکانات دیکھ کر خوش ہوتے ہیں- قدیم مکانات کی کھڑکیاں خاص قسم کی لکڑی سے مزین دلکش لگتی ہیں-

یہاں آنے والے سمندری کھانے شوق و ذوق سے استعمال کرتے ہیں- سمندرسے متصل سبزہ زاروں پر سایہ فگن ریستوران میں بیٹھ کر سمندری ڈشوں کا لطف الگ ہی ہوتا ہے- 

یہاں عوامی قہوہ خانے بھی ہیں جہاں بیٹھ کر سیاح اپنی زندگی کے خوبصورت لمحات گزارتے ہیں اور یادیں بھی تازہ کرتے ہیں- 

تاریخی علاقے کے قریب متعدد ہوٹل اور مہمان خانے بنے ہوئے ہیں- یہاں ہر سال مملکت کے اندر اورباہر سے سیاح زندگی کے خوبصورت لمحات گزارنے کے لیے پہنچتے ہیں- یہاں انہیں صاف ستھری آب و ہوا سمندر کا حسین و جمیل منظر، تاریخ، تمدن، مہم جوئی سب کچھ ملتا ہے- 

سعودی محکمہ سیاحت، سعودی سمر پروگرام کے تحت جن گیارہ سیاحتی مقامات کو خصوصی پیکیج میں شامل کیے ہوئے ہے ان میں ینبع کا تاریخی علاقہ بھی آتا ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں