گذشتہ ماہ کرپشن کے الزام میں 748 افراد سے تفتیش

محکمہ انسداد کرپشن نے کہا ہے کہ گذشتہ ماہ محرم الحرام کے دوران 748 افراد سے کرپشن کے الزام میں تفتیش ہوئی ہے۔

سبق ویب سائٹ کے مطابق ادارے نے کہا ہے کہ ’زیر تفتیش افراد میں سے 282 شہریوں اور مقیم غیر ملکیوں کو حراست میں لیا گیا ہے۔‘

’جن افراد کو حراست میں لیا گیا ہے ان میں سے بعض کا تعلق وزارت دفاع، وزارت داخلہ، وزارت صحت، وزارت انصاف، وزارت بلدیات، وزارت پانی، وزارت تعلیم، وزارت ہیومن ریسورسز، وزارت حج اور وزارت ٹرانسپورٹ سے ہے۔‘

ادارے نے کہا ہے کہ ’مذکورہ افراد پر رشوت، منصب کا غلط استعمال، ذاتی مفادات کا حصول اور جعلسازی الزام ہے۔‘

’تفتیش مکمل ہونے کے بعد مذکورہ افراد کو عدالت کے سامنے پیش کیا جائے گا۔‘