دس کلبز کی 100 سے زائد کھلاڑی شرکت کریں گی (فوٹو، سبق)
سعودی کراٹے آرگنائزیشن حرا انٹرنیشنل مارکیٹ سے متصل ایشین آرٹ ہال جدہ میں دوروزہ لیڈیز کراٹے ٹورنامنٹ 2 کا کل جمعے کو اہتمام کرے گی-
سبق ویب سائٹ کے مطابق ٹورنامنٹ میں 10 کلبز کی نمائندہ سو سے زیادہ خواتین کھلاڑی شرکت کریں گی-
سعودی کراٹے آرگنائزیشن میں لیڈیز سپورٹس کی انچارج ڈاکٹر نوف الحماد نے بتایا کہ ٹورنامنٹ میں شرکت کی امیدوار کھلاڑی خواتین کے اندراج کی کارروائی مکمل ہوچکی ہے-
کراٹے ٹورنامنٹ کا فائنل ہفتے کو ہوگا (فوٹو، سبق)
ڈاکٹر نوف نے سعوی کراٹے آرگنائزیشن کی مجلس انتظامیہ کے کارکنان کا شکریہ ادا کیا- اس کے سربراہ ڈاکٹر مشرف الشہری ہیں-
ڈاکٹر نوف نے کہا کہ ہمیں آرگنائزیشن سے بڑی مدد ملی- ہم رواں موسم کے دوران مختلف عمر کی لڑکیوں کے 4 مقابلے منعقد کراچکے ہیں-
پہلا ٹورنامنٹ ریاض، دوسرا جدہ ، تیسرا صفوی اور چوتھا ریاض میں منعقد کیا گیا- جمعے کو جو ٹورنامنٹ ہوگا وہ اس سلسلے کا پانچواں ہوگا- اّئندہ بھی لیڈیز کراٹے ٹورنامنٹ منعقد کیے جاتے رہیں گے-
