ایک ہفتے میں کورونا ایس او پیز کی 26 ہزار سے زیادہ خلاف ورزیاں

سعودی وزارت داخلہ نے کہا ہے کہ گزشتہ ایک ہفتے کے دوران مملکت بھر میں کورونا ایس او پیز کی 26 ہزار 50 خلاف ورزیاں ریکارڈ پر آئی ہیں۔

اخبار 24 کے مطابق وزارت داخلہ کا کہنا ہے کہ سب سے زیادہ خلاف ورزیاں 9 ہزار657  ریاض ریجن  میں ریکارڈ کی گئی ہیں۔

الشرقیہ ریجن میں تین ہزار  300 ، مکہ مکرمہ ریجن میں دو ہزار 633 ، مدینہ منورہ ریجن میں دو ہزار 310 جبکہ القصیم ریجن میں دو ہزار 184 خلاف ورزیاں سامنے آئی ہیں۔

نجران میں سب سے کم 103 خلاف ورزیاں ریکارڈ کی گئی ہیں جبکہ  حائل، الجوف، حدود شمالیہ، تبوک، عسیر، باحہ اور جازان میں بھی کورونا ایس او پیز کی خلاف ورزیاں ہوئی ہیں۔

وزارت داخلہ نے تمام سعودی شہریوں اور مقیم غیرملکیوں کو پھر ہدایت کی کہ وہ کورونا وبا سے بچاؤ کے لیے مقرر حفاظتی تدابیر کی پابندی جاری رکھیں۔