پرسنل ڈیٹا تحفظ قانون کی خلاف ورزی پر 30 لاکھ ریال جرمانہ، 2 برس قید

پرنسل ڈیٹا تحفظ قانون میں بتایا گیا ہے کہ پرسنل ڈیٹا عام کرنے پر متعلقہ شخص قانونی کارروائی کرسکتا ہے۔ اسے یہ حق قانون مذکور کی دفعہ  34 کے تحت حاصل ہے۔

 الوطن اخبار نے  قانون کی دفعہ  35 میں تفصیلات شائع کی ہیں۔ 

اخبار کے مطابق پرسنل ڈیٹا قانون کی خلاف ورزی پر 2 برس تک قید اور 30 لاکھ ریال تک کا جرمانہ ہوگا۔ دونوں میں سے کوئی ایک سزابھی دی جاسکتی ہے۔ 

قانون مذکور کی دفعہ  29 کی خلاف ورزی پر ایک برس تک قید اور 10 لاکھ ریال تک جرمانے کی سزا  ہوسکتی ہے۔ کسی ایک سزا پر بھی اکتفا کیا جاسکتا ہے۔ 

کارروائی کا مجاز پبلک پراسیکیوشن ہوگا۔ اسی کے افسران پوچھ گچھ کریں گے۔ 

سپیشلسٹ کورٹ پرسنل ڈیٹا تحفظ قانون کی خلاف ورزی کے کیس کی سماعت کرے گی۔ عدالت  قانون مذکور کی دوبارہ خلاف ورزی پر سزا اور جرمانہ دگنا کرسکتی ہے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں