امارات ، بحرین ، امریکہ اور اسرائیل کی مشترکہ بحری مشقیں

امریکہ، اسرائیل، امارات اور بحرین نے بحراحمر میں مشترکہ فوجی مشقوں کا آغاز کردیاہے- نہر سوئز تک جانے والی اہم سمندری گزر گاہ کے  قلب میں بحری مشقیں کی جارہی ہیں- 

العربیہ نیٹ کے مطابق پانچویں امریکی بحری بیڑے  کی جانب سے  جمعرات کو   جاری بیان میں کہا گیا ہے کہ کثیر فریقی سمندری مشقیں 5  دن تک جاری رہیں گی-

امریکہ کے ساتھ اسرائیل، متحدہ عرب امارات اور بحرین نے مشقوں کا آغاز بدھ کو کیا تھا- چاروں ممالک کی سمندری افواج یو ایس ایس پورٹلینڈ مال بردار جہاز کی ضبطی اور تلاش کے مشقوں پر توجہ مرکوز کیے ہوئے ہیں- 

 تاہم امریکی بحری بیڑے کی جانب سے اس امر کی نشاندہی نہیں کی گئی کہ مشترکہ مشقیں بحراحمر  کے کس مقام پر کی جارہی ہیں- 

بحری مشقیں اسرائیل کے ساتھ امارات اور بحرین کے امن معاہدوں پر ایک سال گزرنے کے بعد کیا گیا ہے- ان کا مقصد چاروں ملکوں کے تعلقات کو مضبوط بنانا ہے-  

خیال رہے کہ نہر سوئز کو بحرروم  اور بحر ہند سے خلیج عدن کے راستے جوڑنے والا بحر احمر پوری دنیا میں آئل کارگو کی نہایت اہم گزر گاہ ہے- 

ایران اور اس کے حمایت یافتہ حوثی گزشتہ برسوں کے دوران مذکورہ علاقے میں تیل بردار کئی جہازوں کو ہدف بناچکے ہیں-