عرب اتحاد کے مارب کے قریب حملے، مزید 80 حوثی ہلاک

یمن میں عرب اتحاد کی مارب کے قریب کارروائیاں جاری ہیں۔ پچھلے 24 گھنٹے کے دوران صرواح، البیضاا ور الجوف میں حوثی ملیشیا کے اہداف پر مزید 22 فضائی حملے کیے گئے ہیں۔‘

سرکاری خبر رساں ایجسی ایس پی اے نے اتوار کو ترجمان کی طرف سے جاری بیان کے حوالے سے بتایا کہ’ ’ٹارگٹڈ آپریشنز کے دوران مزید 19 فوجی گاڑیاں تباہ جبکہ 80 سے زیادہ دہشت گردوں کی ہلاکتیں ہوئی ہیں۔‘

واضح رہے کہ حوثی باغیوں کے جانب سے پچھلے کئی ہفتوں سے یمن کی کمشنری المارب کے مختلف علاقوں میں شہری آبادی کو نشانہ بنایا جا رہا ہے جس سے نہتے عوام کو شدید مشکلات کا سامنا ہے۔

 عرب اتحاد شہریوں کے تحفظ کے لیے حوثی ملیشیا  کے یونٹس اور ارکان کو نشا نہ بنانے کے لیے کارروائیاں جاری رکھے ہوئے ہے۔

یاد رہے کہ عرب اتحاد برائے یمن  کی جانب سے مارب کے قریب حوثی ملیشیا کے اہداف کو  پچھلے ایک ماہ سے روزانہ نشانہ بنایا جا رہا ہے۔