جازان ایئر پورٹ کو نشانہ بنانے کی کوشش، ڈرون تباہ

اتحادی افواج نے کہا ہے کہ حوثی باغیوں نے جازان کے کنگ عبد اللہ ایئرپورٹ کو نشانہ بنانے کی کوشش کی ہے۔

سبق ویب سائٹ کے مطابق واقعہ آج پیر کی صبح کا ہے جب حوثیوں نے بارودی ڈرون ایئرپورٹ کی طرف داغا تھا۔

اتحادی افواج نے کہا ہے کہ ’سعودی فضائیہ نے جوابی کارروائی کرتے ہوئے حوثی بارودی ڈرون کو فضا میں تباہ کر دیا ہے‘۔

اتحادی افواج نے کہا ہے کہ ’حوثی باغی صنعا ایئرپورٹ کو ڈرون اور میزائل داغنے کے لیے استعمال کر رہے ہیں‘۔

’سعودی عرب کی شہری آبادی کو نشانہ بنانے کے لیے صنعا ایئرپورٹ کا استعمال اتحادی افواج کوجوابی کارروائی کے لیے قانونی جواز فراہم کرتا ہے‘۔