پاکستان کے آرمی چیف جنرل قمر جاوید باجوہ سے چین کے سفیر نونگ رونگ نے جی ایچ کیو راولپنڈی میں ملاقات کی ہے۔
پاک فوج کے شعبہ تعلقات عامہ کے جاری کردہ بیان کے مطابق بدھ کو ہونے والی ملاقات میں باہمی دلچسپی کے امور، علاقائی سلامتی کی صورتحال اور دوطرفہ تعاون کو مزید بڑھانے کے اقدامات پر تبادلہ خیال کیا گیا۔
بیان کے مطابق اس موقع پر آرمی چیف نے کہا کہ پاکستان خطے میں امن کے لیے اپنے بین الاقوامی شراکت داروں کے ساتھ تعاون کے لیے پرعزم ہے۔
چینی سفیر نے پاکستان میں سی پیک منصوبوں کے تحفظ اور محفوظ ماحول کی فراہمی اور علاقائی استحکام کی کوششوں کے لیے کیے گئے خصوصی اقدامات پر آرمی چیف کا شکریہ ادا کیا۔
انہوں نے سی پیک پر پیش رفت پر اطمینان کا اظہار کیا اور بقیہ منصوبوں کی بروقت تکمیل کی ضرورت کا اعادہ کیا۔
