سونے کی قیمت میں کمی کا سلسلہ جاری

پاکستان میں کاروباری ہفتے کے آخری دن سونے کی قیمت میں کمی کا سلسلہ برقرار رہا ہے۔

سندھ صرافہ بازار جیولرز ایسوسی ایشن کے مطابق جمعہ کو 24 قیراط سونے کی فی تولہ قیمت میں 450 روپے کی کمی کے بعد 126150 روپے رہی۔

دس گرام سونے کی قیمت میں 386 روپے کی کمی ہوئی جس کے بعد نئی قیمت 108153 روپے رہی۔

پاکستان میں گزشتہ روز جمعرات کو بھی سونے کی فی تولہ اور دس گرام قیمت میں کمی ریکارڈ کی گئی تھی۔

مجموعی طور پر جمعرات اور جمعہ کو سونے کی فی تولہ قیمت میں ایک ہزار روپے کی کمی ہو چکی ہے۔

انٹرنیشنل گولڈ مارکیٹ میں ٹریڈنگ کے دوران فی اونس قیمت میں 28 ڈالر کی کمی ریکارڈ کی گئی، جس کے بعد نئی قیمت 1784 ڈالر رہی۔

پاکستان میں چاندی کی فی تولہ اور دس گرام قیمت میں ایک مرتبہ پھر کوئی تبدیلی نہیں ہوئی۔ فی تولہ چاندی 1470 روپے اور دس گرام چاندی کی قیمت 1260.28 روپے رہی۔