دستاویزات اور کرنسی نوٹ میں جعلسازی کرنیو الا گرفتار

جدہ(نیوز ڈیسک) مکہ مکرمہ ریجن پولیس نے سرکاری دستاویز اور کرنسی نوٹ میں جعلسازی کرنے والے ایک ایشیائی کو گرفتار کرلیا ہے۔ پولیس ترجمان کرنل ڈاکٹر عاطی القرشی نے بتایا کہ محکمہ خفیہ کو معلومات موصول ہوئیں کہ ایک ایشیائی سرکاری دستاویزات میں جعلسازی اور جعلی کرنسی نوٹ تیار کر رہا ہے۔ پولیس نے اسے گرفتار کرنے کے لئے خصوصی ٹیم تشکیل دی جس نے اسے رنگے ہاتھوں گرفتار کرلیا۔ اس کے قبضے سے متعدد اداروں کی جعلی دستاویزات، مہر اور جعلی کرنسی نوٹ ضبط ہوئے۔