Sorry, you need to enable JavaScript to visit this website.

اختلافات کی خبریں غلط، خاندان ایک پیج پر ہے: چوہدری شجاعت

چوہدری شجاعت کے مطابق تمام فیصلوں میں ان کی مشاورت اور مرضی شامل ہے (فوٹو: اے ایف پی)
پاکستان مسلم لیگ (ق) کے صدر چوہدری شجاعت حسین نے اپنے خاندان میں سیاسی اختلافات کے تاثر کو رد رکتے ہوئے واضح کیا ہے کہ تمام فیصلے ان کی مشاورت ہوئے جن میں ان کی حمایت بھی شامل ہے۔
منگل کو مسلم لیگ (ق) کی جانب جاری بیان میں چوہدری شجاعت نے مزید کہا ہے کہ ’ہمارا خاندان اور جماعت ایک پیج ہیں، غلط افواہیں پھیلائی اور خبریں چلوائی جا رہی ہے۔‘
ان کے مطابق ’گھر میں اب تک جتنے بھی فیصلے ہوئے ہیں سب میری مشاورت اور رضامندی سے ہوئے ہیں۔‘
چوہدری شجاعت کا یہ بھی کہنا تھا کہ وہ وضاحت پر یقین نہیں رکھتے تاہم کہنا چاہوں کہ مجھے خاندان کا سربراہ سمجھا جاتا ہے۔
ان کا یہ بھی کہنا تھا کہ موجودہ اسمبلی میں پچھلی اسمبلیوں کے مقابلے میں نوجوانوں کی تعداد زیادہ ہے، ان پر الزام لگانا اور شک کرنا غلط ہے۔
پیسے کے لین دین کے الفاظ کا استعمال نہیں ہونا چاہیے، لوگ خصوصاً پڑھے لکھے لوگ اس کو پسند نہیں کرتے۔‘
انہوں نے بتایا کہ ’غلط پروپیگنڈہ کرنا اور حقائق کو جوڑ توڑ کر پیش کرنا یا کروانا نہایت نامناسب بات ہے۔‘
چوہدری شجاعت کے مطابق اختلافات کے حوالے سے خبروں میں کوئی صداقت نہیں۔
ان کا کہنا تھا کہ ہمارا خاندان پچھلے 50 برسوں سے پنجاب ہی نہیں بلکہ ملک کے تمام اضلاع میں پھیلا ہوا ہے۔
’میں اللہ تعالیٰ کو حاضر ناظر جان کر کہنا چاہوں گا کہ ہمارا خاندان بہت بڑا ہے لیکن فیصلے میری رضامندی سے ہوتے ہیں۔‘
خیال رہے حکمران جماعت کی جانب سے چوہدری پرویز الٰہی کو وزیراعلیٰ نامزد کرنے کے اعلان کے بعد مسلم لیگ ق کے اہم رکن طارق بشیر کا کہنا تھا کہ انہوں نے چوہدری شجاعت حسین کی اجازت سے استعفیٰ دیا ہے، جس کے بعد افواہیں گردش کر رہی تھیں کہ چوہدری برادران کے درمیان بھی اختلافات پیدا ہو گئے ہیں۔
 

شیئر: