سعودی عرب میں جبل طویق کے سحر آفریں دامن میں افطار دسترخوان کی تصاویر سوشل میڈیا پر وائرل ہیں۔ جبل طویق جزیرہ عرب کا قابل دید تاریخی مقام ہے۔ فضا سے اس کے مناظر دلکش لگتے ہیں۔
العربیہ نیٹ کے مطابق سعودی آپٹیکل پیکٹوریل فوٹو گرافرعبدالرحمن البریہ نے جبل طویق کے دامن میں افطار دسترخوان کی تصاویرسوشل میڈیا پر شیئر کی ہیں۔
البریہ نے کہا کہ جبل طویق کا دامن سدیر کے وادی وراط کے اوپر واقع ہے۔ یہ بڑی عجیب وغریب جگہ ہے، اسے دیکھ کر ہی اس بات کا اندازہ کیا جا سکتا ہے۔ میرے خیال میں یہ ان کوہستانی علاقوں میں سے ایک ہے جس کی سیر کے لیے ضرور جانا چاہیے۔
انہوں نے کہا کہ اس جگہ رمضان میں افطار کا تجربہ یادگار بن گیا۔ وادی وراط سدیر کی بڑی وادیوں میں سے ایک ہے۔ یہ سعودی دارالحکومت ریاض سے 180 کلومیٹر دور شمال میں واقع ہے۔ یہاں سدراورالطلح درخت بڑی تعداد میں پائے جاتے ہیں۔
