خیال رہے کہ برطانیہ میں مقیم انڈین شہریوں میں سے زیادہ تر کا تعلق گجرات سے ہے۔
برطانوی وزیراعظم کے دفتر ڈاؤننگ سٹریٹ کے مطابق دورہ انڈیا کے دوران ایک ارب پاؤنڈ سے زائد مالیت کے سرمایہ کاری کے معاہدوں پر دستخط کیے جائیں گے جن سے برطانیہ میں 11 ہزار نوکریاں پیدا ہوں گی۔
انڈیا روانہ ہونے سے پہلے وزیراعظم بورس جانسن نے کہا کہ دورے سے سٹریٹیجک، تجارتی، دفاعی اور دونوں ممالک کے عوام کے درمیان تعلقات گہرے ہوں گے۔
ڈاؤننگ سٹریٹ کے مطابق دورہ انڈیا کے دوران دفاع، مصنوعی انٹیلی جنس اور گرین توانائی کے شعبوں میں نئی شراکت داریاں متوقع ہیں جبکہ روبوٹکس، الیکٹرک گاڑیوں اور سیٹ لائٹ کی لانچ کے لیے بھی معاہدوں پر دستخط کیے جائیں گے۔
وزیراعظم بورس جانسن نے گجرات میں فیکٹری کا دورہ کیا۔ فوٹو: اے ایف پی
بورس جانسن نے ایک بیان میں کہا کہ انڈیا کے ساتھ پاور پلانٹ میں شراکت داری سے نوکریاں پیدا ہوئیں اور لوگوں کی ترقی کے بھی مواقع پیدا ہوئے۔
دوسری جانب انڈیا نے روس کے یوکرین پر حملے کی واضح الفاظ میں مذمت کرنے سے انکار کیا ہے۔
خیال رہے کہ انڈیا ایندھن اور فوجی ساز و سامان روس سے درآمد کرتا ہے۔
اس سے قبل برطانوی سیکرٹری خارجہ نے گزشتہ ماہ انڈیا کا دورہ کیا تھا جہاں انہوں نے روس کے خلاف اقدامات اٹھانے کا مطالبہ کیا تھا تاہم انہیں میزبان حکومت کی جانب سے کوئی خاطر خواہ جواب نہیں مل سکا تھا۔
جلیانوالہ باغ سانحے کے سو سال: ’برطانیہ معافی مانگے‘Node ID: 414701
دوست دوست نہ رہا: دل سے دلیNode ID: 602381
