امارات میں کورونا کے 2 لاکھ سے زیادہ نئے ٹیسٹ، 1666 نئے مریض

متحدہ عرب امارات کی وزارت صحت کا کہنا ہے کہ یہاں جمعے کو کورونا سے کسی بھی شخص کی موت واقع نہیں ہوئی۔

امارات کی سرکاری خبررساں ایجنسی وام کے مطابق وزارت صحت گزشتہ چوبیس گھنٹوں کے دوران کورونا کے 2 لاکھ 86 ہزار 631 نئے ٹیسٹ کیے گئے ہیں۔

وزارت صحت نے اعلامیہ جاری کیا ہے کہ 8 جولائی جمعے کو کورونا کے 1666 نئے مریض ریکارڈ پر آئے ہیں اس طرح اب تک کووڈ سے متاثرین کی کل تعداد 9 لاکھ  59 ہزار  736 ہوچکی ہے۔

کورونا سے صحت یاب ہونے والوں کی تعداد 1792 رہی اس طرح اب تک شفا پانے والوں کی کل تعداد  9 لاکھ  40 ہزار  53 ہوچکی ہے۔ جمعے کو کورونا سے کسی کی موت واقع نہیں ہوئی اس طرح اب تک کورونا سے مرنے والوں کی کل تعداد 2322 ہوچکی ہے۔

وزارت صحت نے کہا ہے کہ عید الاضحی کے موقع پر گلے ملنے اور بڑے پیمانے پر پارٹیوں سے گریز کیا جائے۔ 

امارات کی خبروں کے لیے ”اردو نیوز یو اے ای“ گروپ جوائن کریں