آئی سی سی کی نئی ٹی20 رینکنگ، محمد رضوان پہلے نمبر پر موجود

انٹرنیشنل کرکٹ کونسل (آئی سی سی) نے بدھ کے روز تازہ ٹی20 رینکنگ جاری کردی ہے۔

آئی سی سی کی نئی ٹی20 رینکنگ کے مطابق پاکستان کرکٹ ٹیم کے وکٹ کیپر بیٹر محمد رضوان ٹی20 بیٹرز کی فہرست میں پہلے نمبر پر ہیں۔

ٹی20 کے بیٹرز کی لسٹ میں جنوبی افریقہ کے بیٹر ایڈن مارکرم کی جگہ دوسرے نمبر پر انڈیا کے بیٹر سوریا کمار یادو نے لے لی ہے جبکہ تیسرے نمبر پر پاکستان ٹیم کے کپتان بابر اعظم موجود ہیں۔

آئی سی سی کی رینکنگ کے مطابق ٹی20 بیٹرز کی لسٹ میں پہلے نمبر پر پاکستان کے محمد رضوان، دوسرے نمبر پر سوریا کمار یادو، تیسرے نمبر پر بابر اعظم، چوتھے نمبر پر جنوبی افریقہ کے ایڈن مارکرم، پانچویں نمبر پر آسٹریلوی کپتان ایرون فنچ، چھٹے نمبر پر انگلش بیٹر ڈیوڈ مالان، ساتویں نمبر پر نیوزی لینڈ کے ڈیوون کونوے، آٹھویں نمبر پر سری لنکا کے پاتھم نشانکا، نویں نمبر پر یو اے ای کے محمد وسیم جبکہ دسویں نمبر پر جنوبی افریقہ کے ریزا ہینڈرکس موجود ہیں۔

آئی سی سی کی ٹی20 بولرز کی رینکنگ میں پہلے نمبرپر آسٹریلیا کے بولر جوش ہیزل وڈ، دوسرے نمبر پر جنوبی افریقہ کے تبریز شمسی، تیسرے نمبر پر انگلش لیگ سپنر عادل رشید، چوتھے نمبر پر افغانستان کے راشد خان جبکہ پانچویں نمبر پر سری لنکا کے وانندو ہاسارنگا موجود ہیں۔

ٹی20 کرکٹ میں آل راؤنڈرز کی فہرست میں افغانستان کے محمد نبی پہلے نمبر پر موجود ہیں جبکہ بنگلہ دیش کے شکیب الحسن دوسرے، انگلینڈ کے معین علی تیسرے، سری لنکا کے وانندو ہاسارنگا چوتھے اور انڈیا کے ہاردک پانڈیا موجود ہیں۔

آئی سی سی کی ٹی20 ٹیم رینکنگ میں انڈیا پہلے نمبر پر موجود ہے جبکہ دوسرے نمبر پر انگلینڈ، تیسرے نمبر پر جنوبی افریقہ، چوتھے نمبر پر پاکستان، پانچویں نمبر پر نیوزی لینڈ، چھٹے نمبر پر آسٹریلیا، ساتویں نمبر پر ویسٹ انڈیز، آٹھویں نمبر پر سری لنکا، نویں نمبر پر بنگلہ دیش جبکہ دسویں نمبر پر افغانستان کی ٹیم موجود ہے۔