ریاض میں دنیا کا سب سے بڑا عارضی آؤٹ لیٹ، نیا گنیز ورلڈ ریکارڈ
ریاض میں دنیا کا سب سے بڑا عارضی آؤٹ لیٹ، نیا گنیز ورلڈ ریکارڈ
اتوار 2 اکتوبر 2022 5:06
آؤٹ لیٹ 2022 کو سنیچر سے وزیٹرز کے لیے کھولا گیا ہے (فوٹو: ٹوئٹر)
سعودی جنرل انٹرٹینمنٹ اتھارٹی نے دنیا کے سب سے بڑے ’عارضی آؤٹ لیٹ‘ کا گنیز ورلڈ ریکارڈ بھی اپنے نام کیا ہے۔
اتھارٹی نے ٹویٹر پر بیان میں کہا کہ ’ریاض میں آؤٹ لیٹ شاپنگ فیسٹول کے لیے گنیز ورلڈ ریکارڈ سرٹیفکیٹ ملا ہے۔‘
گنیز ریکارڈ کے مطابق 145.000 مربع میڑ سے زیادہ رقبے پر عارضی آؤٹ لیٹ قائم کیا گیا ہے۔
آؤٹ لیٹ 2022 سعودی شاپنگ کا سب سے بڑا فیسٹیول ہے(فوڈو: ٹوئٹر)
یاد رہے کہ آؤٹ لیٹ 2022 کو سنیچر سے وزیٹرز کے لیے کھول دیا گیا ہے۔
دو ہفتے جاری رہنے والا آؤٹ ڈورشاپنگ فیسٹیول روزانہ 3 بجے سہ پہر سے رات ایک بجے تک جاری رہے گا۔ فیشن، گھریلو لوازمات، کاسمیٹکس اور بین الاقوامی برانڈز پر 70 فیصد تک کی خصوصی رعایت پیش کی جا رہی ہیں۔
آؤٹ لیٹ 2022 سعودی شاپنگ کا سب سے بڑا فیسٹیول ہے جو وسیع وعریض ایریا پر مشتمل ہے اور یہاں ایک ہزار پانچ سو بین الاقوامی برانڈز کو ایک جگہ اکٹھا کیا گیا ہے۔
