مکہ مکرمہ میں بس حادثہ، دو ہلاک، 9 زخمی

مکہ  مکرمہ میں ٹریفک حادثے کے باعث دو افراد ہلاک جبکہ متعدد زخمی ہوئے ہیں۔

سبق ویب سائٹ کے مطابق حادثہ کل منگل کو رات 11 بجکر 23 منٹ پر الرصیفہ پل پر ہوا ہے۔

محکمہ ہلال احمر نے کہا ہے کہ ’حادثے کی اطلاع ملتے ہی متعدد ٹیمیں جائے وقوعہ پہنچ گئیں‘۔

’موقع پر پہنچنے پر معلوم ہوا کہ حادثے کے باعث دو افراد ہلاک ہوچکے ہیں جبکہ 9 زخمی ہیں‘۔

’زخمیوں کو موقع پر ابتدائی طبی امداد دینے کے بعد انہیں کنگ عبدلعزیز اور النور ہسپتال منتقل کردیا گیا ہے‘۔