اورنگ آباد ..... اورنگ آباد پولیس کو جلد ہی ایسے ڈرون ملنے والے ہیں جس میں پسی ہوئی مرچ اور کالی مرچ کا پاﺅڈر موجود ہوگا۔ یہ ڈرون نہ صرف ہجوم کو مانیٹر کرنے میں پولیس کی مدد کریگابلکہ اسے فوری منتشر کرنے کیلئے مرچ کا اسپرے بھی کرینگے۔ یہ بات اورنگ آباد کے پولیس کمشنر نے بتائی۔ یشووسی یادو اس شہر کے نئے پولیس کمشنر بنے ہیں۔ وہ 2015ءمیں لکھنو کے سینیئرسپرنٹنڈنٹ پولیس تھے اور وہیں انہوں نے مرچوں کا اسپرے کرنے والے ڈرون پروجیکٹ پر کامیابی سے عمل درآمد کیا تھا۔ انکا کہناہے کہ ہم نے پہلے ہی ایسے 10ڈرون کا آرڈر دے رکھا ہے۔ یہ ڈرون ہمارے اہلکاروں سے پہلے ہی جائے وقوعہ پر پہنچ جایا کرینگے اور ضرورت ہوئی تو مرچوں کا اسپرے کرکے ہجوم کو منتشر کردینگے۔ یہ مرچیں اتنی تیز ہونگی کہ کسی کی آنکھوں میں پڑ جائیں تو تقریباً4گھنٹے تک اسکی بینائی متاثر رہیگی۔
