شہزادہ محمد بن سلمان سے بینکاک میں اسلامی مرکزی کونسل کے ارکان کی ملاقات

سعودی ولی عہد و وزیراعظم شہزادہ محمد بن سلمان سے سنیچر کو تھائی لینڈ کے دارالحکومت بینکاک میں اسلامی مرکزی کونسل کے ارکان نے ملاقات کی ہے۔ 

سعودی خبررساں ایجنسی ایس پی اے کے مطابق تھائی لینڈ کی اسلامی مرکزی کونسل کے سربراہ اور ان کے ساتھ شامل وفد نے عالم اسلام کی خدمت اورمسلمانوں کے مفادات کے تحفظ کے حوالےسے مملکت کے کردار کوسراہا۔ 

ولی عہد شہزادہ محمد بن سلمان نے درست دینی معلومات کے فروغ اور مسائل کے حل کے لیے کی جانے والی کوششوں پرمرکزی کونسل کے کردارکی تعریف کی۔ 

اس موقع پرسعودی وزیر توانائی شہزادہ عبدالعزیز بن سلمان، وزیر مملکت اوررکن کابینہ شہزادہ ترکی بن محمد بن فہد ، وزیر داخلہ شہزادہ عبدالعزیز بن سعود بن نایف ، وزیرنیشنل گارڈ شہزادہ عبداللہ بن بندر بن عبدالعزیز ، وزیر خارجہ شہزادہ فیصل بن فرحان ،وزیرمملکت اوررکن کابینہ ڈاکٹرمساعد کے علاوہ تھائی لینڈ میں سعودی عرب کے سفیر عبدالرحمان بن عبدالعزیز السحیبانی بھی موجود تھے۔ 

علاوہ ازیں ولی عہد و وزیراعظم شہزادہ محمد بن سلمان سے تھائی سینیٹ کے سپیکر بورن پٹ چون لاچی اورکونسل کے ارکان نے بھی ملاقات کی ہے۔ 

 ایس پی اے کے مطابق ملاقات میں دونوں دوست ممالک کے درمیان دوطرفہ تعلقات کے مختلف پہلووں پرتبادلہ خیال کیاگیا۔ 

اس موقع پروزیر توانائی شہزادہ عبدالعزیز بن سلمان، وزیرمملکت اوررکن کابینہ شہزادہ ترکی بن محمد بن فہد، وزیرداخلہ شہزادہ عبدالعزیز بن سعود بن نایف، وزیرنیشنل گارڈ شہزادہ عبداللہ بن بندر بن عبدالعزیز، وزیرخارجہ شہزادہ فیصل بن فرحان بن عبداللہ ، وزیرمملکت اوررکن کابینہ ونیشنل سیکیورٹی کونسل کے مشیر ڈاکٹر مساعد بن محمد کے علاوہ تھائی لینڈ میں سعودی عرب کے سفیر بھی موجود تھے۔