خیبر میں واقع جبل القدر دنیا کے 100 بہترین جیولوجیکل مقامات میں شامل

سعودی جیولوجیکل سروے بورڈ نے کہا ہے کہ سعودی عرب میں ایک جیولوجیکل مقام کو دنیا کے 100 بہترین مقامات میں شامل کیا گیا ہے۔ 

عاجل ویب سائٹ کے مطابق مدینہ منورہ کے قریب خیبر میں حرہ قدرہ میں پرانے آتش فشاں پہاڑ کو عالمی جیولوجیکل ادارے اور یونسکو نے منتخب کیا ہے۔

دنیا کے 56 ممالک میں سے 181 جیولوجیکل مقامات کا جائزہ لیا گیا ہے جن میں سے 34 مقامات شمالی اور جنوبی امریکہ، 28 مقامات یورپ، 15 مقامات افریقہ اور23 مقامات ایشیا اور مشرق وسطیٰ سے تھے۔ 

ماہرین نے خبیر کے جبل القدر کو دنیا کے بہترین جیولوجیکل مقامات میں سے منتخب کر کے اسے دنیا کے ایک سو بہترین مقامات میں سے ایک تسلیم کیا ہے۔ 

سعودی جیولوجیکل بورڈ نے کہا ہے کہ جبل القدر خبیر میں واقع ہے اور یہ ایک ہزار سال پہلے سرگرم آتش فشاں تھا جس کی مخروطی چوٹی 400 میٹر بلند ہے۔