نجران میں آئل ٹینکر میں آگ لگ گئی، ڈرائیور جھلس کر ہلاک

سعودی عرب میں محکمہ شہری دفاع نے کہا ہے کہ ’نجران میں آئل ٹینکرسڑک پر الٹ گیا اس میں آگ لگ گئی۔ ڈرائیور جھلس کر ہلاک ہوگیا‘۔ 

المدینہ اخبار کے مطابق محکمہ شہری دفاع نے ٹوئٹر پر اپنے بیان میں کہا کہ’ نجران میں سول ڈیفنس کے اہلکاروں نے آئل ٹینکر میں لگی آگ پر قابو پالیا تاہم ڈرائیور جھلس کر جان کی بازی ہار گیا‘۔ 

شہری دفاع کا کہنا ہے کہ ’آئل ٹینکر میں لگنے والی آگ بجھانے کے لیے تمام حفاظتی اقدامات کیے گئے۔ پہلی کوشش یہ تھی کہ جائے وقوعہ پر موجود دیگر گاڑیوں اور راہگیروں کو وہاں سے ہٹایا جائے اس کے بعد آگ بجھانے کی کارروائی کی گئی‘۔