انڈیا کے شہر حیدرآباد میں ایک کتے کے خوف سے عمارت کی تیسری منزل سے چھلانگ لگانے والا ڈیلیوری بوائے جان کی بازی ہار گیا ہے۔
انڈیا ٹوڈے کے مطابق 23 سالہ محمد رضوان انڈیا کی مشہور فوڈ ڈیلیوری کمپنی ’سوئگی‘ کے لیے کام کرتے تھے اور اسی سلسلے میں وہ بنجارا ہلز نامی علاقے میں ایک اپارٹمنٹ میں کھانا ڈیلیور کرنے گئے۔ انہوں نے دروازہ کھٹکھٹایا تو اپارٹمنٹ کی مالکہ کے پالتو کتے نے دروازے پر آ کر ان پر حملہ کر دیا۔
مزید پڑھیں
کتے کے خوف کی باعث محمد رضوان نے تیسری منزل سے نیچے چھلانگ دی جس کے بعد انہیں تشویشناک حالت میں ہسپتال داخل کرایا گیا جہاں ان کا انتقال ہو گیا۔
نیوز ایجنسی اے این آئی کے مطابق اپارٹمنٹ کی مالکہ جس کا نام شوبانہ بتایا جا رہا ہے، ان کے خلاف مقدمہ درج کر لیا گیا ہے۔
Telangana | A Swiggy delivery boy,Rizwan died at a hospital in Banjara Hills PS limits.He was attacked by a pet dog while he went for delivery&fell down the first floor of the building while trying to escape. Banjara Hills Police registered a case against Shobana, the dog's owner
— ANI (@ANI) January 16, 2023
اس واقعے پر سماجی رابطوں کی ویب سائٹ ٹوئٹر پر صارفین بھی اپنے غم و غصے کا اظہار کر رہے ہیں۔
بیبیک بشال نے فوڈ ڈیلیوری سروسز کو مشورہ دیا کہ ’آرڈر لیتے وقت صارف کو ٹِک مارک کر کے بتانا چاہیے کہ اس کے گھر پالتو جانور ہیں۔ انہیں کہیں کہ وہ مرکزی گیٹ پر آ کر خود آرڈر لیں۔‘
@Swiggy @zomato needs to put a tick box while placing order reg. self-declaration for having pets. Ask these customers to collect the orders at the gate.
— Bibek Bishal (@BishalBibek) January 16, 2023
بینیت مشرا کا کہنا تھا کہ ’جن لوگوں کے گھر پالتو کتے ہوں وہ ہوم ڈیلیوری کے اہل نہیں ہونے چاہییں۔‘
People with pet dogs should not be eligible for home deliveries.
— Bineet Mishra (@bineetmishra) January 16, 2023
