خلیجی ممالک میں مقیم غیر ملکیوں کے لیے وزٹ اور عمرہ ویزہ، پروفیشن کی شرط ختم

سعودی وزیر حج و عمرہ توفیق الربیعہ نے کہا ہے کہ خلیجی ممالک میں مقیم غیر ملکیوں کو وزٹ ویزہ اور عمرہ کی غیر مشروط سہولت دی جائے گی۔

سبق ویب سائٹ کے مطابق انہوں نے کہا ہے کہ ’جی سی سی میں مقیم غیرملکیوں کے لیے پروفیشن کی شرط ختم کردی گئی ہے‘۔

انہوں نے کہا ہے کہ ’خلیجی ممالک میں مقیم غیر ملکی وزٹ ویزہ حاصل کرکے بلا روک ٹوک مکہ مکرمہ اور مدینہ منورہ کی زیارت کرسکتے ہیں‘۔

’انہیں الیکٹرانک وزٹ ویزے کی سہولت بھی حاصل ہے جبکہ اس کے لیے پہلے کی طرح پروفیشن کی قید ختم کردی گئی ہے‘۔

واضح رہے کہ خلیجی ممالک میں مقیم غیر ملکیوں کے لیے الیکٹرانک ویزہ حاصل کرنے کے لیے لنک جاری کر دیا گیا ہے۔
وزٹ ویزے کی فیس 300 ریال ہے جبکہ میڈیکل انشورنس کی بھی ضرورت ہے۔