’العلا‘ 2022 کے لیے دنیا کے 30 بہترین سیاحتی مقامات میں شامل

عالمی سیاحتی تنظیم نے سعودی عرب کے قدیم تاریخی علاقے ’العلا‘ کو سال 2022 کے لیے دنیا کے 30 بہترین سیاحتی مقامات میں شامل کرنے کا اعلان کیا ہے۔

اخبار 24 کے مطابق وزیرثقافت شہزادہ بدر بن عبداللہ بن محمد آل سعود نے اس موقع پرمنعقدہ تقریب میں العلا کو بہترین عالمی سطح پربہترین سیاحتی مقام  تسلیم کیے جانے کے فیصلے کوسراہتے ہوئے اسے باعث فخر واعزاز قرار دیا۔

انہوں نے مزید کہا کہ’ آئندہ بھی العلا میں سیاحت کے فروغ کے لیے بہترین اقدامات کیے جائیں گے‘۔ 

وزیرسیاحت احمد الخطیب نے بھی العلا کو دنیا کے30 بڑے بہترین سیاحتی مقام میں شامل کیے جانے کے فیصلے کوسراہا ہے۔ 

واضح رہے العلا میں سیاحتی مقامات کے حوالے سے تقریب کا انعقاد کیا گیا تھا جس میں عالمی سیاحتی تنظیم کے سیکرٹری جنرل اوردیگر ممالک کے اعلی سطحی وفود نے شرکت کی۔

العلا پر ایک دستاویزی فلم بھی پیش کی گئی جس میں علاقے کی جزئیات کے بارے میں تفصیل سے شرکا کو آگاہ کیا گیا۔