کوریا کے سفیراورسفارتی عملہ و انکے اہل خانہ شامل ہیں(فوٹو، ٹوئٹر)
سوڈان سے کوریا کا سی 130 طیارہ 29 افراد کولے کربحفاظت جدہ کے شاہ عبداللہ ایئربیس پرپہنچ گیا۔ مسافروں میں کوریا کے سفیر،سفارتکاراورانکے اہل خانہ شامل ہیں۔
سبق نیوز کے مطابق سوڈان سے آنے والے کوریا کے سفارتکاروں کا استقبال وزارت خارجہ مکہ مکرمہ ریجن کے ڈائریکٹرمازن الحملی نے کیا انکے ہمراہ مغربی ریجن کے کمانڈراحمد علی الدبیس ، سعودی عرب میں کوریا کے سفیرجان یونگ بارک اورقونصل جنرل ہان بیونگ جین بھی موجود تھے۔
سوڈان سے آنے والے سفارتکاروں کا استقبال شاہ عبداللہ ایئربیس پرکیاگیا(فوٹو، ٹوئٹر)
اس موقع پرسعودی عرب میں متعین کورین سفیر نے سعودی قیادت اورحکومت کا شکریہ ادا کیا کہ انکی اس بے مثال انسان نواز کوششوں سے سوڈان میں پھنسے مختلف ممالک کے شہریوں اورسفارتکاروں کے انخلا کا آپریشن کیاجارہا ہے۔
